A Concellería de Servizos Sociais, Muller, Igualdade e Sanidade de Burela informa que o prazo para a presentación de solicitudes da Escola Infantil A Galiña Azul  tanto de renovación como de novo ingreso para o curso 2013/2014, permanecerá aberto ata o vindeiro 21 de marzo, incluído. O resto de datas a ter en conta son:     .Lista provisional: publicarase o 2 de maio.     .Reclamacións: do 3 ao 12 de maio.     .Lista definitiva: publicarase o 27 de maio.     .A matrícula formalizarase do 28 de maio ao 12 de xuño. Diana Durán explica que “o novo curso dará comezo o 5 de setembro e o horario será de 7:30 da  mañá a 18 horas”. E engade que “quen así o desexe poderá consultar a resolución da Xerencia do Consorcio Galego de Servizos de Igualdade e Benestar onde se anuncia o prazo de reserva de praza, preinscrición de novo ingreso e matrícula para o curso 2013-2014 no taboleiro de anuncios do Concello de Burela ou na propia escola infantil, así como os Anexos para cubrir os datos e onde aparece a documentación necesaria a entregar e o novo baremo, entre outros”. Desde a Concellería de Servizos Sociais lembran que para facer entrega da documentación deberá pedir cita previa no teléfono da escola infantil: 982 58 12 28.