O Concello pon en marcha Aula Junior, un programa de carácter gratuíto, dirixido a familias con nenos e nenas menores de tres anos. A edil de Servizos Sociais, Diana Durán, explica que “deste xeito pretendemos darlle continuidade a Preescolar na casa, que era ofertado pola Xunta e do que agora nos facemos cargo en Burela, desde a Concellería de Servizos Sociais”. Os pais e as nais dos nenos e nenas menores de tres anos están a recibir cartas con información sobre esta actividade e tamén unha folla de inscrición. Na comunicación convídase ás familias a acudir ás reunións informativas que se celebrarán mañá mércores, 30 de xaneiro, ás 11 da mañá e ás 17 horas na Casa da Cultura. Para aclarar calquera dúbida que lles poida xurdir poden chamar ao seguinte número de teléfono: 982 58 06 09 ou achegándose persoalmente ao Centro de Información ás Mulleres.