Os membros do Grupo Municipal Socialista esixen que o equipo de goberno dé unha explicación destes gastos porque “estamos a falar dunhas cantidades desorbitadas, ó mes de novembro corresponden uns 9.700 euros e os restantes 8.100 euros ó último mes do pasado ano. Son momentos de dificultade económica e a austeridade non só se debe aplicar no que lles interesa”. Afirman que “é certo que a flota de vehículos do Concello de Cervo está formada por un total de 21 vehículos e nestas facturas irá incluido o gasto correspondente pero non podemos dar crédito a tremendo coste. Ó mellor é aquí onde hai que ser máis cautos e austeros e non tanto apagando farolas sen ningunha coherencia ou recortando en certos servizos”. Ademais engadiron que se debe facer un control máis exhaustivo para que isto non volva a ocurrir, “principalmente revisando os usos particulares que se fan dos vehículos do parque móbil en horarios de tarde ou de fin de semana e lembrando que ningún destes coches son para trasladar os concelleiros dun lado para o outro”.