O edil popular tamén subliña que se segue a traballar na reducción e no control do gasto. Así en telefonía móbil e fixa o Concello aforrou no 2012 preto de 9.000 euros. Casas indicou que “o Concello de Burela está prácticamente ao día no pago a proveedores de todas as facturas presentadas ata o 31 de decembro de 2012. Deste xeito quedan por pagar uns 45.000 euros das presentadas ata esa data. O Concello está a cumprir coas directrices da lei de morosidade, xa que no cuarto trimestre do pasado ano a demora no abono desas facturas estivo en 34 días desde que foron contabilizadas e rexistradas oportunamente na contabilidade do Concello”. O concelleiro de Economía sinalou que “desde o equipo de goberno se segue a traballar na reducción e no control do gasto. Sirvan como exemplo os datos relativos ao consumo telefónico do 2012 comparado co ano anterior, o 2011. O Concello de Burela abonou no 2011 un total de 53.743,71 euros a Telefónica e no 2012 o total abonado, incluidas telefonía fixa e móbil, foi de 44.773,24 euros. Entón o Concello aforrou durante o pasado ano 8.970,47euros por este concepto”. José Casas confía en que “o aforro en gasto telefónico continúe neste 2013 xa que se están levando adiante distintas actuacións tendentes á rebaixa da devandita factura”.