Así o anunciou o alcalde focense, Javier Jorge Castiñeira, quen resaltou que “estas luminarias xa levan moitos anos activas e están moi deterioradas ata tal punto que non permiten o cambio das propias lámpadas, o que impide que estea suficientemente iluminado este paseo”. Un estado que preocupaba ó Concello xa que  “se trata dun dos paseos máis  transitado e populoso de Foz”. Precisamente o mal estado das luminarias obrigou ó Concello a buscar financiamento para substituír estes 36 equipamentos de iluminación que finalmente serán repostos. As obras comezarán nos vindeiros días e permitirán, segundo Castiñeira, “dar moita máis luz e dinamizar tamén un pouco máis a zona da praia da Rapadoira, que é unha das máis concorridas no verán e que conta cunha ampla oferta hostaleira”. O rexedor municipal rematou comentando que “é unha boa noticia, porque en próximos días xa estará feita a obra”.