O Concello está levando a cabo un plan de mellora nas pistas e camiños de San Román coa colaboración da Comunidade de Montes e os veciños da parroquia en xeral. Un conxunto de actuacións que se están levando a cabo utilizando material cedido polos veciños e pola Comunidade de Montes. En concreto, esta semana comezaron os traballos para reparar o camiño que une Vilaestrofe coa ponte vella, na parroquia de San Román. Unha vía que estaba caendo en desuso polo seu mal estado de conservación e que con estes traballos volverá a estar transitable. Ata o lugar desprazáronse o alcalde, Alfonso Villares, o edil de Zona Rural, José Ramón Soto, o alcalde pedáneo da parroquia, o presidente da Comunidade de Montes e veciños da zona, que comprobaron o avance das tarefas.  Dentro deste plan tamén se incluíron os arranxos nos camiños forestais do Cebadoiro e O Carril, na mesma parroquia, que tamén se realizaron con material da mina. Desta maneira, Soto aproveitou para darlles as grazas tanto á Comunidade de Montes como os veciños da parroquia “pola súa colaboración, porque así, entre todos, seguimos mellorando o noso concello”.