Outra parroquia que tamén ten reticencias é Cangas, que suxería pasar a autovía polo barrio de Barral, pertencente á parroquia de Cordido. Porén, os veciños desta última non están de acordo coa proposta dos de Cangas.  Os presidentes das asociacións de veciños de Forxán e Marzán están interesados en recibir a máxima información do denominado “Acceso central a Foz”, pois no caso de Forxán, os veciños manteñen que é bo o acceso proposto preto da rotonda de Fazouro, sempre que teña conexións coas outras estradas, así  mesmo, piden que se respecte o entorno de Bispo Santo. A presidenta da asociación de veciños de Marzán, manifestou que se lle comunicara calquera movemento da rotonda para ver cal é a proposta. Os presidentes das asociacións de veciños de Nois, Fazouro, Foz e Mañente, solicitaron que se respecten tódalas vías do municipio que se ven afectadas, así como as entradas a casas e conexións con pistas rurais, e por suposto que se estudie ben o trazado onde existen casas próximas. A asociación de veciños de Vilaronte estaba practicamente de acordo co estudo, apuntando que para eles sería mellor que a rotonda de enlace saíra de Vilamar. As asociacións de Cordido e San Acisclo, manifestaron que non tiñan nada que opinar, debido a que, segundo está previsto, o trazado non afecta as súas parroquias.

O Alcalde do Concello de Foz, manifestoulle ás asociacións de veciños que sería convinte que tódolos que fixeran alegacións solicitasen o respecto polo patrimonio cultural, neste caso da Basílica de San Martiño, para que non sufrira ningún impacto visual, así como todas aquelas áreas recreativas e outros aspectos catalogados do municipio.