COPE.es

O documento, ao que tivo acceso o Partido Popular de Galicia, establece as liñas básicas para a  reorganización do sistema de saúde na nosa comunidade segundo as previsións do Goberno bipartito. De feito configura un novo mapa sanitario no que pasaría a crearse unha nova área sanitaria global denominada “de Ferrol” que abarcaría o norte das provincias de Lugo e A Coruña e as actuais zonas de influencia do Hospital da Costa e do complexo Hospitalario Arquitecto Marcide – Novoa Santos.“Queda probado o dobre discurso do PSOE e do BNG que deberan dar explicacións, moitas explicacións aos veciños desta coamarca, sobre este intento de centralización sanitaria en Ferrol que podería terse consumado senón fora pola derrota do bipartito” -explicou Balseiro- Ao mesmo tempo  e en contraste con esta intención o PP subliñou “a diferenza  deles nós garantimos a continuidade da área sanitaria da Mariña e, o que aínda é máis importante, que o Hospital da Costa manterá a súa independencia e ofrecerá máis especialidades dentro da súa carteira de servizos” O QUE AGOCHABA O BIPARTITO Os cambios propostos pola Consellería de Sanidade do bipartito afectaría tanto á atención especializada e urxente como á atención primaria. Ademais incluiría no ámbito de influencia do Hospital da Costa á poboación de dous novos concellos o de  Mañón e o de Muras cuxos veciños pasarían a ser usuarios dos centros médicos de atención urxente (PAC) e  do propio Hospital  da Costa sumando un máis persoas a un sistema sanitario xa de por si colapsado.Analizando polo  miúdo a proposta a distancia de desprazamento desde Burela ata o hospital de Ferrol supera os 113 quilómetros. Máis aínda se partimos desde Ribadeo onde a distancia superaría os 131 quilómetros e preto de dúas horas de viaxe. A xestión centralizada da nosa sanidade desde Ferrol, implicaría tamén que esta sería a cidade  de  referencia tanto para a xestión do persoal como para o establecemento das liñas prioritarias de gasto e presupostos. Lembrando o discurso que agora manteñen   socialistas e nacionalistas, de levarse a cabo a proposta do anterior  Goberno bipartito ao que pertencían, en vez de achegarse servizos se estarían a levar máis lonxe, afastando o centro de decisión do noso Hospital e dos distintos centros de  atención primaria.